Mariage Mixte | الزواج المختلط

وثائق المرأة المخطوبة المغربية

  • شهادة إدارية ديال الزواج
    • ايلا كنتي مطلقة خاس تجيبي نسخة من عقد الطلاق ولا الحكم النهائي بالتطليق
    • إيلا كان عندك قل من 18 سنة غاتخصك موافقة الولي ديالك يكون مصادق عليها
  • نسخة موجزة من عقد الإزدياد
  • فوطوكوبي ديال لاكارط ناسيونال مكاليزيا
  • شهادة طبية من أجل الزواج
  • ربعة ديال التصاور ديالك جداد
  • نسخة من السجل العدلي ولا شهادة السوابق
    • إيلا كنتي ماتزاديتيش فالمغرب خاسك تجيبي نسخة من السجل العدلي الوطني لي كايكون عند وزارة العدل فمديرية الشؤون الجنائية والعفو

وثائق الرجل الخاطب الأجنبي

  • شهادة الأهْلية (راه غاتعطيها ليه السفارة ولا القنصلية ديال بلادو فالمغرب .. فاش ياخدها يديها لوزارة الخارجية المغربية باش تصادق عليها)
  • ايلا كان مطلق خاس يجيب نسخة من عقد الطلاق ولا حكم نهائي بالتطليق
  • شهادة كاتثبت فاش خدام وشحال كايتخلص (احمم تانا ماعرفتش علاش طالبين هادي)
  • شهادة الإقامة .. زعما شهادة السكنى .. يجيبها من السلطات ديال البلاد فين ساكن حاليا مع مراعاة مدة الصلاحية ديالو
  • نسخة طبق الأصل من عقد اعتناق الإسلام أو أي حاجة كاتثبت أن هاد الكاوري مسلم أصلا
  • نسخة من عقد الولادة يكون مطابق للحالة المدنية ديالو
  • شهادة الجنسية تعطيها ليه السلطات الوطنية ديال بلادو ولا يجيبها من القنصلية ديال بلادو لي كاينا فالمغرب
  • نسخة من السجل العدلي
  • شهادة طبية من أجل الزواج
  • نسخة من الباسبور خصوصا الصفحة لي كاتثبت التاريخ فاش دخل للمغرب
  • ربعة ديال الصور الشخصية يكونو جداد

هادشي كامل سيداتي وسادتي كاتجمعوه ف ملف وكاتديوه لكتابة الضبط فالقسم ديال قضاء الأسرة باش تاخدو الإذن بالزواج المختلط
مصاريف هاد الإذن هي 150 درهم .. 3000 ريال

ايلا كنتو غاتوتقو الزواج خارج المغرب.. فهاد الملف غادي تديوه للسفارة ولا القنصلية المغربية فالبلاد فاش كاينين فالخارج

Laisser un commentaire

Votre adresse e-mail ne sera pas publiée. Les champs obligatoires sont indiqués avec *

Aller en haut