سكريبت الفيديو

شناهيا البيدوفيليا
la pédophilie
البيدوفيليا هي التحرش الجنسي بالأطفال، الولع بالأطفال أو الغلمانية
هو اضطراب جنسي كايتميز بوجود محفزات جنسية أو خيالات جنسية مثيرة مرتبطة بالأطفال لي عندهوم قل من 13 سنة
البيدوفيل كايستمتع جنسيا بأنو يعرّي طفل.. وأنو يشوفو كايستمني قدامو ..وأنو يقيسو فالمناطق الحساسة ديالو.. وأنو يبوسو
هادا التعريف ديال ويكيبيديا
قاليك الطبيب النفسي فريد برلين أن “الأشخاص لي كايعانيو من البيدوفيليا غالبا كايكونو كاينكرو واش فيهوم أصلا شي مشكل.”
أمّا المجلة الأمريكية الطبية المتخصصة فعلم النفس
Psychology today
كاتقول أنو كاينين 3 دالعلاجات للي مريض بالبيدوفيليا:
سوا استخدام الأدوية ولا العلاج السلوكي المعرفي ولا العلاج الكهربائي

نرجعو للواقع ديالنا
فالمغرب البيدوفيل الإسباني دانييل كالفان كايرجع للواجهة
باش كانت كملات هاد القضية؟
فاللول تحكم عليه بالسجن 30 سنة وشويا جاه عفو ملكي .. بااق تم ترحيلو لإسبانيا دغيا .. نااضت ديكساعا فالمغرب فتم التراجع على العفو الملكي . السلطات الإسبانية قالت أنو غاتعاود تعتاقل كالفان تما
نفس هاد السيناريو “تقريبا” غادي يتعاود ف 2020
بيدوفيل كويتي كايغتاصب طفلة فعمرها 14 سنة وفجأة الأم كاتحط تنازل .. قاضي التحقيق بناء على هاد التنازل غادي يتابع المتهم فحالة سراح (يعني بلا اعتقال) وبلا مايحيدو ليه الباسبور
هنا السفارة الكويتية كاتعتارف أنها تدخلات — المتهم هرب لبلادو
تسنّاو نرجعو شويا اللور .. فسنة 2018 استضفات منصة
Tedx Uni Wurzburg
طالبة طب سميتها
Mirjam Heine
قدمات محاضرة بعنوان: “البيدوفيليا هي توجه جنسي طبيعي”
وا شوووفو معايا دابا هاد العالم المجنون المعتوه لي بدا بقبول المتحولين جنسيا والمثليين، ومن بعد قبل وجود أكثر من خمسين جندر “نوع جنسي” من غير الذكر والأنثى. غادي يقبل واحد النهار الغلمانيين / البيدوفيليين عااادي
بحال اللافتة لي نتاشرات فالعالم لي فيها
“أن البيدوفيليين تاهوما بشر والحب كايبقى حب”
عضو المجلس النواب الأمريكي السابق “آلان ويست” كايقول أن الأطباء النفسيون خدامين دابا كايعاودو يقادو تعريف زوين للبيدوفيليا بنفس الطريقة باش كانو كايزوقو فتعريف الشذوذ الجنسي فالسنوات الفايتة.

آش بان ليكوم : واش المغرب غادي على خطى تطبيع البيدوفيليا؟

دابا وصلنا للمعقول
شناهيا عقوبة البيدوفيليا فالقانون المغربي؟
جريمة هتك عرض أو محاولة ذلك .. سوا كان الضحية ذكر أو أنثى
وكان الضحية قاصر عندو قل من 18 سنة
ايلا تم هاد الفعل بدون فعل فالعقوبة هيا الحبس من عاماين تال 5 سنين.. أما إيلا تم باستعمال العنف فالعقوبة هي السجن من عشر سنين تال 20 سنة.
أما ايلا تم فض بكرة الضحية (يعني كانت الضحية بنيتة عزبة قبل الجريمة) أولَّا الفاعل كايجي للضحية شي حاجة؟ هنا الحالة ديال الحبس كاتوصل من 5 سنين تال 10 سنين وحالة السجن كاتوصل من 20 سنة تال 30 سنة.
كاينا جريمة الاغتصاب أو محاولة ذلك .. خاص ضروري تكون الضحية أنثى . ايلا كانت عندها قل من 18 سنة فالعقوبة هي السجن من 10 سنين تال 20 سنة.
أما ايلا تم فض بكرة الضحية ولا كان الفاعل كايجيها شي حاجة فالعقوبة كاتوصل من 20 سنة تال 30 سنة.

هاد القضية ديال علاقة الفاعل بالضحية كانقصدو بيها إيلا كان الفاعل من أصول الضحية ولا عندو شي سلطة على الضحية .. ولا وصي عليها .. أولا خدام عند الضحية ولا عند هادو لي قلنا من قبل .. ولا شي موظف ولا رئيس ديني .. ولا حتا ايلا تعاون الفاعل معا شي حد آخور فهاد الفعل

شفتو البلان كيداير
البيدوفيليا جريمة
أه لا البيدوفيليا مرض نفسي
امم اقدر البيدوفيليا توجه جنسي طبيعي


◆ RESSOURCES | المصادر :

Laisser un commentaire

Votre adresse e-mail ne sera pas publiée. Les champs obligatoires sont indiqués avec *